"არა კონკრეტულ წესებში პატარა ცვლილების, არამედ მთლიანი რეფორმების ნახვა გვსურს, რომლებიც შექმნიან შედეგს - სამართლიანი არჩევნებსა და დამოუკიდებელ სასამართლო სისტემას," - ამის შესახებ განცხადება ვენეციის კომისიის წევრმა ეირიკ ჰოლმოვიკმა შემაჯამებელ ბრიფინგზე გააკეთა.

როგორც ვენეციის კომისიის წევრი ამბობს, მართლმსაჯულების რეფორმა, საარჩევნო რეფორმასთან ერთად უმნიშვნელოვანესია. თუმცა ეირიკ ჰოლმოვიკი ხაზგასმით ამბობს, რომ ცალკეული ცვლილებები დიდ შედეგს არ იძლევა და "დიდი მასშტაბის მთლიანი რეფორმებია" საჭირო.

კომენტარს გავაკეთებ იმაზე, თუ რას ვგულისხმობთ რეფორმებში. წინა რეკომენდაციებში, როდესაც სასამართლო სისტემასა და საარჩევნო სისტემაზე ვსაუბრობთ, ვახსენებთ, რომ მთლიანი რეფორმის ნახვა გვსურს. და ამაში ვგულისხმობთ არა პატარა ცვლილებებს კონკრეტულ წესებში, არამედ გვსურს, რომ საქართველოს ოფიციალურმა პირებმა, უმრავლესობამ და ოპოზიციამ, მთლიან სისტემას შეხედონ. ვინაიდან ეს კანონები ბევრ ელემენტს შეიცავენ, ერთად არის შეკრული, რათა შექმნან შედეგი - სამართლიანი არჩევნები, დამოუკიდებელი სასამართლო სისტემა.

ასე რომ, ასეთი დიდი მასშტაბის მთლიანი რეფორმები გვსურს, როგორც წინა მოსაზრებებში ვახსენებთ, და ეს ასევეა ის, თუ რის რეკომენდაციასაც გავცემთ სასამართლო სისტემასა და არჩევნებზე ამ მოსაზრებებში”, - განაცხადა ჰოლმოვიკმა.