თბილისის მერი ვერ ხვდება, რატომ უნდა შეუერთდეს რუსეთის მიერ დაწესებულ საერთაშორისო სანქციებს.  კახა კალაძე ამბობს, რომ საქართველოში ნაწარმოები პროდუქტის ექსპორტის შეზღუდვა რუსულ ბაზარზე ქვეყნის ეკონომიკის განვითარების შეჩერებას განაპირობებს.

კალაძის თქმით, მმართველი პარტიის წარმომადგენლები სახელმწიფოს ინტერესებიდან გამომდინარე მოქმედებენ.

სანქციებთან დაკავშირებით იცით ჩვენი დამოკიდებულება. ჩვენ არ და ვერ ვუერთდებით სანქციებს, ისევ და ისევ ჩვენი ქვეყნის ინტერესებიდან გამომდინარე. ვიცავთ მოსახლეობის, ეროვნულ ინტერესებს და ყოველთვის გვექნება ეს დამოკიდებულება. სხვა მხრივ, რა თქმა უნდა, ყველანაირად ვთანამშრომლობთ და მადლობაც კი მიიღო საქართველოს ხელისუფლებამ ამასთან დაკავშირებით. ეს მომავალშიც გაგრძელდება, მაგრამ ტურისტი არ ჩამოვიდეს საქართველოში და ფული არ დახარჯოს, საქართველოში ნაწარმოები პროდუქტი შევზღუდოთ და არ გავიტანოთ, თუნდაც რუსულ ბაზარზე? რატომ უნდა შეიზღუდოს ეს ყველაფერი. ამით ვის ვზღუდავთ? საკუთარ თავს ვიზღუდავთ და ისევ გლეხს ვაყენებთ მძიმე მდგომარეობაში, მაგრამ ესეც გათვლილია. მიზანმიმართულად აკეთებენ, რომ როგორმე ქვეყანა ეკონომიკურად დააზიანონ, შეაჩერონ ეკონომიკური განვითარება, რომელიც დღეს ქვეყანაში გვაქვს" - განაცხადა კალაძემ.