"ევროკავშირში არ არის სანქცირებული... თუკი ის იმყოფება საქართველოში, იმყოფება როგორც რუსეთის მოქალაქე", - ასე აფასებს საქართველოს პარლამენტის თავმჯდომარე, შალვა პაპუაშვილი ფარცხალაძის საქართველოში შემოსვლას.

მისი თქმით, ქვეყანაში მიმდინარე გამოძიება და მის მიერ გამოტანილი დასკვნები გავრცელებულ ცრუ ინფორმაციებს არ ეფუძნება.

დედამიწაზე არის ორი ქვეყანა, სადაც სანქცირებული არის ბატონი ფარცხალაძე. ეს არის ამერიკის შეერთებული შტატები და ეს არის საქართველო. როგორც იცით, ის ევროკავშირში არ არის სანქცირებული და ამით ყველაფერი ნათქვამია... ისიც იცით, რომ ის საქართველოს მოქალაქე აღარ არის. ამ შემთხვევაში, თუკი ის, არ ვიცი, ამაზე არ მაქვს ინფორმაცია, მაგრამ თუკი ის იმყოფება საქართველოში, იმყოფება როგორც რუსეთის მოქალაქე. ჩვენ ვართ სამართლიანობის სახელმწიფო, სადაც მათ შორის, გამოძიება, და დასკვნები არ ემყარება ჭორებს. ასე რომ, ყველაფერს სჭირდება თავისი მტკიცებულება, - ამბობს პაპუაშვილი.