გაძლევთ გარანტიას, რომ საქართველო 4 წელიწადში ევროკავშირის წევრი იქნება - სააკაშვილი
მე გაძლევთ გარანტიას, რომ 4 წელიწადში, ხელისუფლების შეცვლის შემდეგ, საქართველო იქნება ევროკავშირის სრულფასოვანი წევრი - ამის შესახებ საქართველოს მესამე პრეზიდენტმა მიხეილ სააკაშვილმა, კლინიკა „ვივამედიდან“ სასამართლო პროცესზე ჩართვისას განაცხადა.
მისი თქმით, გამარჯვება გარდაუვალია:
მე არასდროს არაფერში არ მომიტყუებიხართ და არ გამიცრუებია იმედი. მათ შორის ისიც კი გავაკეთე, რომ სიცოცხლე გავრისკე და ჩამოვედი ჩემი ხალხის დასახმარებლად... იმიტომ რომ, ეს იყო ჩემი დაპირება თქვენდამი, რომ ბოლოს და ბოლოს, რაც არ უნდა მოხდეს, მაინც ჩამოვალ და თქვენს გვერდზე ვიქნები.
ახლა არის ჩემი დაპირება, რომ ჩვენ ერთად გავიმარჯვებთ ამ არჩევნებზე, ძალიან ფართო კოალიციით, ძალიან ფართო ფრონტით და ჩვენ აუცილებლად ერთად შევალთ ევროკავშირში.
