"რუსეთის პრემიერ მინისტრის განკარგულებით ჩვენს ოკუპირებულ ტერიტორიებზე, აფხაზეთსა და ცხინვალის რეგიონში  უკვე ოფიციალურად  დაიწყო  დოკუმენტაციების მომზადება  რუსულ საგანმანათლებლო სისტემას დაქვემდებარებული სკოლების  ფუნქციონირებისთვის, რაც არის ანექსიის კიდევ ერთი ნიშანი  და  საფრთხეს უქმნის ადგილობრივი  მოსახლეობის თვითმყოფადობას"  -  ამის შესახებ პარტია „ევროპელი დემოკრატების“ თავმჯდომარემ განაცხადა.

პაატა დავითაია საქართველოს მთავრობას, საგარეო საქმეთა სამინისტროს მკვეთრი რეაგირებისკენ მოუწოდებს.

მისი თქმით, საკითხი აუცილებლად მოითხოვს საერთაშორისო პარტნიორების ინფორმირებას და სერიოზულ სამართლებრივ რეაგირებას 

ზოგადსაგანმანათლებლო  სკოლები, სადაც     სწავლობენ  რუსი ოფიცრების შვილები, უკვე აშენებულია.  ახლა რუსეთის ფედერაციამ  დოკუმენტაციის მომზადება დაიწყო   მხოლოდ იმისთვის, რომ  შექმნას სამართლებრივი ბაზა და ოფიციალურად  მოხდეს ამ სკოლების  დაკავშირება რუსულ საგანმანათლებლო სისტემასთან,   მათი მიზანია,  ამ სკოლებში მოხდეს  ადგილობრივი  მოსწავლეების ინტეგირება, მათ დაიწყონ სიარული რუსულ სისტემას დაქვემდებარებულ  სკოლებში, რაც არის აფხაზების თვიმყოფადობის განადგურების კიდევ ერთი გზა.  ადგილობრივმა მოსახლეობამ უნდა გაცნობიეროს რა საფრთხის შემცველია ეს სკოლები მათი თვითმყოფადობისთვის, რისი შენარჩუნებაც მათ მხოლოდ ქართველებთან თანაცხოვრებით შეუძლიათ.  

მოვუწოდებ საქართველოს მთავრობას, საგარეო საქმეთა სამინისტროს მოახდინოს მკვეთრი რეაგირება  ამ საკითხთან დაკავშირებით, რადგან ეს არის ღია ქმედება და  ნაბიჯები ოკუპაციიდან ანექსიისკენ, რაც აუცილებლად მოითხოვს  საერთაშორისო პარტნიორების  ინფორმირებას და სერიოზულ სამართლებრივ რეაგირებას -   აცხადებს პაატა დავითაია.