მზადება არჩევნებისთვის - "ქართული ოცნება" ცესკოზე სრული კონტროლის მოსაპოვებლად ემზადება. ხელისუფლება საარჩევნო ადმინისტრაციაში აუქმებს თავმჯდომარის მოადგილის პოსტს, რომელიც ოპოზიციის კვოტაა. ცესკო ამ დრომდე ერთადერთი  უწყება იყო,სადაც თანამდებობას ოპოზიციური პარტიის წარმომადგენელი იკავებდა.  

არადა ვენეციის კომისიის პირდაპირი რეკომენდაციაა, რომ ადმინისტრაციაში უნდა იყვნენ ოპოზიციონერი მოადგილეები, ცესკოს თავმჯდომარე კი ოპოზიციასთან შეთანხმებით დაინიშნოს.კალანდარიშვილის მოადგილის პოსტს ლელოს წევრი იკავებს. გიორგი სიორიძე ამბობს,რომ  ხელისუფლების დაგეგმილი ცვლილებები ადმინისტრაციის  ლეგიტიმაციას დიდი საფრთხის ქვეშ აყენებს.