"რუსეთი ბალტიისპირეთში შეიჭრება, თუ უკრაინის მიწას მიიღებს" - მიხეილ სააკაშვილი

13.02.24 10:47
"რუსეთი ბალტიისპირეთში შეიჭრება, თუ უკრაინის მიწას მიიღებს" - მიხეილ სააკაშვილი

რუსეთი ბალტიისპირეთში შეიჭრება, თუ უკრაინის მიწას მიიღებს - ამის შესახებ საქართველოს მესამე პრეზიდენტი წერს, რომელსაც Telegraph აქვეყნებს.

მიხეილ სააკაშვილი დასავლეთს უკრაინის მხარდაჭერის გაგრძელებისკენ მოუწოდებს, რათა მომავალში NATO-ს ქვეყნებში ომი თავიდან აიცილოს.

"თუ რუსეთი შეძლებს უკრაინის ნაწილზე კონტროლის გაყინვას, ომი დროებითი გაყინვის შემდეგ, მალევე გავრცელდება უკრაინის, მოლდოვასა და ბალტიისპირეთის ქვეყნებში.

თავისუფალი სამყაროს ბედი ახლა უკრაინაში წყდება. პუტინის ნდობა არ შეიძლება და რუსეთის პრეზიდენტი არ შეწყვეტს ექსპანსიონისტურ ამბიციებს, თუ უკრაინაში მშვიდობა ტერიტორიული დათმობების ხარჯზე დადგება", - წერს სააკაშვილი.

Telegraph-ი სააკაშვილის დაპატიმრებასაც აფასებს და წერს, რომ ყოფილმა პრეზიდენტმა ციხეში სხეულის წონის ნახევარი დაკარგა 

"სააკაშვილმა ციხეში სხეულის წონის ნახევარი დაკარგა მას შემდეგ, რაც 2021 წელს ის უფლებამოსილების ბოროტად გამოყენების ბრალდებით 6 წლით დააპატიმრეს, რაც მისი მხარდამჭერების თქმით, არის პოლიტიკური სასჯელი მმართველი [პარტიის], ქართული ოცნების მიერ, რომელიც ფართოდ განიხილება, როგორც პრორუსული.

საქართველოს ხელისუფლება ამტკიცებს, რომ მას ადეკვატური სამედიცინო დახმარება გაუწიეს, მაგრამ Amnesty International და ევროპის საბჭოს უფლებადამცველი ორგანიზაცია ეთანხმება ოპოზიციურ პარტია ერთიან ნაციონალური მოძრაობას, რომ ის პოლიტიკური პატიმარია", - წერს გამოცემა.

მსგავსი სიახლეები