"ქართული ოცნების" წევრი ბექა ოდიშარია ამტკიცებს, რომ მმართველი გუნდი ცესკო მიტაცებას არ გეგმავს. სახელისუფლებო გუნდის წევრი ირწმუნება, რომ "ლელოც" და ნაცმოძრაობაც ერთია და საზოგადოებას არ სურს, რომ ცესკოში თანამდებობა ენმ-ს წევრს ეკავოს.

მოტაცება ვიცი მთვარის, კონსტანტინე გამსახურდიასი, არაჩვეულებრივი ნაწარმოებია, წაიკითხეთ და არაფრის მიტაცებას არ ვაპირებთ. მე გირჩევდით, რომ გაეცნოთ ჯერ ქართველი ხალხის ნება-სურვილს. ქართველ ხალხს არაფერში არ ეპიტნავება ის, რომ "ნაციონალური მოძრაობის" წარმომადგენელი იყოს ცესკოში. "ლელო" და ნაცმოძრაობა ერთია, - ამბობს ბექა ოდიშარია.