“გუშინ მერმა დასცინა საქართველოს მოსახლეობას, ვისაც საწვავის გაძვირება აწუხებს, დღეს კი მოგვიწოდა ევროპის ფასები ნახეთო" - ამის შესახებ “ერთიანი ნაციონალური მოძრაობის” თავმჯდომარემ ლევან ხაბეიშვილმა კახი კალაძის განცხადებასთან დაკავშირებით განაცხადა. 

ივანიშვილის მერმა გვიპასუხოს - რატომ არასდროს ადარებს ხელფასებსა და შემოსავლებს ევროპას? ევროპაში ხალხი თვეში 100 დოლარად მუშაობს?” - მიმართა ენმ-ს თავმჯდომარემ თბილისის მერს. 

“გუშინ მერი დასცინოდა ყველას, ვისაც საწვავის გაძვირება აწუხებს და დღეს გამოაცხადა ფასები ევროპაში ნახეთო.

ივანიშვილის მერმა გვიპასუხოს ევროპაში როგორი ხელფასებია - 100 $ მუშაობს თვეში ხალხი ? 300 000 ადამიანი 50 $-დან 250 $ მუშაობს თვიდან / თვემდე?

ხელფასებს და შემოსავლებს რატომ არასდროს ადარებთ ევროპას ? ან საბანკო სესხები ნახე რამდენია , ან შემოსავალი, ან პენსია.

პირდაპირ ფასი მოეწონა ევროპული.

1.65 ლარად ხომ მოდის საქართველომდე ? პასუხი თქვან კი თუ არა ?! და პასუხია კი ! მაშინ გვიპასუხოს 1.5 ლარი რაში ემატება, ვინ ამატებს და ვინ ხეირობს

და სხვათა შორის ამ განცხადებას რომ აკეთებდა კალაძე, ამერიკაში 1 ლიტრი ბენზინი 2 ლარი და 40 თეთრი ღირს.” - განაცხადა ლევან ხაბეიშვილმა
 

ნახეთ, ევროპაში რა ფასებია - ასე პასუხობს კახა კალაძე საწვავის მაღალ ფასთან დაკავშირებით ოპონენტების განცხადებებს. 

თბილისი მერი პარალელს ავლებს მეზობელ ქვეყნებთან და აცხადებს, რომ ფასების ზრდა მსოფლიო ეკონომიკური ვითარებიდან და რეგიონში არსებული რთული მდგომარეობიდან არის გამოწვეული.