"მე მთავრობას ქართველი ხალხის გენოციდში ვადანაშაულებ - ბიძინა ივანიშვილს კი ქართველი ხალხის გადაშენების, გაწყვეტის შეგნებულ მცდელობაში," - ამ განცხადებას საქართველოს მესამე პრეზიდენტი მიხეილ სააკაშვილი აკეთებს.

სასამართლოზე დისტანციურად ჩართვის დროს მესამე პრეზიდენტმა ივანიშვილი ქვეყნის არასწორი მიმართულებით წაყვანის გამო გააკრიტიკა და ხელისუფლების ცვლილების მნიშვნელობაზე ისაუბრა.

წარმოიდგინეთ, საქართველო ისეთი მანქანაა, რომელსაც საჭესთან ადამიანი უზის, ვინც უფსკრულისკენ მიექანება და მას გადაჩეხავს - ქართველი ხალხი კი სადღაც საბარგულში ჰყავს ჩაკეტილი. ჩვენ ქართველ ხალხს იმის საშუალება უნდა დავუბრუნოთ, რომ თავისი ეროვნული მანქანის საჭესთან დაჯდეს, ესენი კი ამ მანქანიდან გადავყაროთ," - ამბობს სააკაშვილი.