პარლამენტის ვიცე-სპიკერი პრეზიდენტის წინააღმდეგ -  არჩილ თალაკვაძე სალომე ზურაბიშვილს აკრიტიკებს და ამტკიცებს, რომ “საარჩევნო კოდექსში შესატან ცვლილებებზე პრეზიდენტის ვეტო დაედო იმას, რომ საარჩევნო სისტემა ყოფილიყო თავისუფალი პარტიების ჩარევისგან, რაც მისი თქმით, გაუმართლებელია".

თალაკვაძე ამბობს, რომ ის, რასაც ვეტოში ასაბუთებს სალომე ზურაბიშვილი, ასეთი რეკომენდაცია ვენეციის კომისიას  არ აქვს.

ვეტო დაედო იმას, რომ საქართველოს საარჩევნო სისტემა ყოფილიყო დაცული და თავისუფალი პარტიების და პოლიტიკური ჩარევისგან; რომ არჩევნები არ იყოს ყოველ 6 თვეში პოლიტიკური ვაჭრობის საგანი და რომ ხმები, რომელსაც თქვენ აფიქსირებთ არჩევნებზე, არანაირი მანიპულაციის სუბიექტი არ გახდეს. ეს იყო ჩვენი მიზანი რატომაც მივიღეთ კანონი, რომ საქართველოს არჩევნები მომავალში აღარასდროს გახდეს სპეკულაციის საგანი და ვერავინ გამოუცხადოს მას ბოიკოტი, საბოტაჟი და არავინ მიაყენოს ჩრდილი ჩვენი ქვეყნის დემოკრატიულ არჩევნებს. ამისთვის მივიღეთ ეს კანონი. არც ასეთი რეკომენდაცია არ აქვს ვენეციის კომისიას, ეს მოდელი შემოიტანეთ, რასაც ახლა რადიკალური ოპოზიცია გვთავაზობთ და რასაც ვეტოში ასაბუთებს სალომე ზურაბიშვილი", - ამბობს თალაკვაძე.

შეგახსენებთ, რომ "ოცნებამ" დღეს ცესკოს თამჯოდმარის არჩევის წესთან დაკავშირებით პრეზიდენტის რიგით მეხუთე ვეტო უნდა დაძლიოს.