თბილისის სააპელაციო სასამართლოს თავმჯდომარის, გავლენიანი მოსამართლეების ჯგუფის ლიდერის, აშშ-ის მიერ დასანქცირებული მიხეილ ჩინჩალაძის მეუღლემ, შვილმა და მამამ - მარიკა მარიკაშვილმა, რუსუდან და თამაზ ჩინჩალაძეებმა - ოჯახის წევრებისგან საჩუქრად ჯამში 120 468 აშშ დოლარი მიიღეს. ამის შესახებ ინფორმაციას "საერთაშორისო გამჭვრივალობა - საქართველო" ავრცელებს.

არასამთავრობო ორგანიზაციის თანახმად, შემოსავლის შესახებ ინფორმაცია თავად მოსამართლის მიერ შევსებულ 2019-2023 წლების დეკლარაციებშია მითითებული. 

სწორედ ასეთი ფაქტების კანონიერებისა და დასაბუთებულობის გამოკვლევას ისახავს მიზნად მოსამართლეთა კეთილსინდისირების შემოწმების მექანიზმი, რომლის ამოქმედებასაც ევროკომისია გვთხოვს და მთავრობა ეწინააღმდეგება," - წერს არასამთავრობო ორგანიზაცია.

მაგალითად, 2023 წელს გასაჯაროებულ დეკლარაციაში მიხეილ ჩინჩალაძეს მითითებული აქვს, რომ მისმა მეუღლემ და შვილმა, ჯამში, 20 400 აშშ დოლარი მიიღეს საჩუქრის სახით მეუღლის დედისგან.

მიხეილ ჩინჩალაძე ერთ-ერთია იმ ქართველ მოსამართლეებს შორის, რომელსაც აშშ-მ სავიზო შეზღუდვა დაუწესა. მიხელ ჩინჩალაძის მსგავსად, ლევან მურუსიძის, ირაკლი შენგელიას, ვალერიან ცერცვაძეს და მათ ოჯახის წევრებს აშშ-ი შესვლა აეკრძალათ. 

სახდეპი წერს, რომ აღნიშნულმა პირებმა თანამდებობი ბოროტად გამოიყენეს, რითაც სასამართლოსადმი ნდობას ზიანი მიაყენეს.