"მიუხედავად პატივისცემისა, ქვეყანას არავის არ ავარევინებთ", - ასე პასუხობს "ქართული ოცნების" წევრი, ირაკლი ზარქუა ევროკავშირს ელჩს, რომელმაც დღეს, კამპანიის ფარგლებში, ქართველ საზოგადოებას გააცნო, თუ რა სარგებლობას მოუტანს ევროპულ ოჯახში გაერთიანება საქართველოს.

მმართველი პარტიის წარმომადგენელი პაველ ჰერჩინსკის დეზინფორმაციასთან ბრძოლის ნაწილში ეთანხმება, თუმცა პროცესში ხელისუფლების პასუხისმგებლობას ვერ ხედავს. მეტიც, ოლიგარქის გუნდის წევრები ხელს კვლავ მესამე სექტორისკენ იშვერენ და სტრატეგიულ პარტნიორებს მათი ფინანსების გამჭვირვალობის დადგენისკენ მოუწოდებენ.

ჩვენ ვამხელთ იგივე იმ ფონდებს, იმ საერთაშორისო ორგანიზაციებს და კარგი იქნება, ბატონი ელჩი თუ დაინტერესდება, ვის აფინანსებენ. არასამთავრობო ორგანიზაციებს აფინანსებენ, რომლებიც პირდაპირ ჩართული არიან დეზინფორმაციის გავრცელებაში. ეს როგორც მანამდე აღვკვეთეთ და წინ აღვუდგებით, ასევე გავაგრძელებთ მომავალში. საელჩო იქნება, ელჩი, თუ საერთაშორისო ორგანიზაცია, მიუხედავად პატივისცემისა, ჩვენ ჩვენი ქვეყანა გვიყვარს და არავის მივცემთ საშუალებას, რომ ეს ქვეყანა არიოს", - ამბობს ზარქუა.