ცენტრალური საარჩევნო კომისიის  თავმჯდომარე დუმილის რეჟიმშია გადასული -  ვახტანგ გომელაურის სკანდალური აღიარების შემდეგ, გიორგი კალანდარიშვილი განმარტებებს არ აკეთებს.

პირველების კითხვის საპასუხოდ,  შინაგან საქმეთა მინისტრმა თქვა, რომ ცესკოს თავმჯდომარეზე სავარაუდო თავდასხმის ფაქტზე გამოძიება არ არის დაწყებული.

არადა, კალანდარიშვილი პირდაპირ ეთერში აცხადებდა, რომ მასზე თავდასხმის მცდელობა იყო და ავტო ავარიას უწყობდნენ.

რამდენიმე წუთის წინ საქართველოს ცენტრალურ საარჩევნო კომისიაში ბრიფინგი გაიმართა, თუმცა სპიკერმა ზოგად საკითხებზე ისაუბრა. 

ცესკოში ამტკიცებენ, რომ სახეზეა ცენტრალური საარჩევნო კომისიის დისკრედიტაციის მცდელობა.