თბილისის მერია იუსტიციის სახლის წინ არსებულ ხიდს დემონტაჟს გაუკეთებს - განცხადება თბილისის მერმა, კახი კალაძემ გააკეთა. 

მისი განცხადებით, საექსპერტო ბიუროს მიერ გამოიკვეთა, რომ იუსტიციის სახლთან მდებარე საფეხმავლო ხიდი მძიმე ტექნიკურ მდგომარეობაშია.

დასკვნაში პირდაპირ არის მითითებული, რომ ხიდის ამ სახით ექსპლუატაცია დაუშვებელია, საჭიროებს ძირეულ რეაბილიტაცია-რეკონსტრუქციას რაც ფაქტობრივად ხიდის სრულ დემონტაჟს და ახალი ხიდის მშენებლობას ნიშნავს, რაც რამდენიმე მილიონი ლარი ჯდება", - თქვა კახი კალაძემ.

კალაძის თქმით, ადგილზე დამონტაჟდა შუქნიშნები და მოეწყო ზებრა გადასასვლელი და გზის გადაკვეთა მოქალაქეებისთვის პრობლემას არ წარმოადგენს, შესაბამისად ხიდის დემონტაჟის გადაწყვეტილება მიიღეს.