რას აკეთებთ იმისთვის, რომ ჩვენმა მილიონამდე ემიგრანტმა მონაწილეობა მიიღოს 2024 წლის საპარლამენტო არჩევნებში? - ამ შეკითხვით მიმართა „ევროოპტიმისტების“ დეპუტატმა ხატია დეკანოიძემ საგარეო საქმეთა მინისტრს, ილია დარჩიაშვილს, რომელიც პარლამენტში „ინტერპელაციის წესით“ იმყოფება.

საზღვარგარეთ მცხოვრები საქართველოს მოქალაქეების საერთო რიცხვი ამ ეტაპზე ჩვენ არ გვაქვს, მაგრამ დაახლოებით, ეს არის მილიონამდე ადამიანი. ხოლო ყველაზე მძიმე სტატისტიკა, რომელიც არის ბოლო წლების განმავლობაში, ეს არის შემდეგი რიცხვები: 2020, 2021, 2022 წლებში საქართველოდან ემიგრაციაში წავიდა 87222 ადამიანი. რას აკეთებს საქართველოს საგარეო საქმეთა სამინისტრო, რომ გაიხსნას კონკრეტული უბნები დამატებით ჩვენი მოქალაქეების კონსტიტუციით მინიწებული უფლების უზრუნველსაყოფად? რას აკეთებს საქართველოს საგარეო საქმეთა სამინისტრო იმისათვის, რომ აწარმოოს კამპანია და ჩვენს მოქალაქეებს აუხსნას ის ძალიან მნიშვნელოვანი ფაქტი, რომ არავითარი სამართლებრივი შედეგები არ დადგება მათი საკონსულო აღრიცხვაზე დადგომის შემდეგ"- განაცხადა დეკანოიძემ.