"ვეტინგი არის ერთერთი პასუხი ამ შეკითხვაზე, თუ რა ინფორმაცია ჰქონდა მიხეილ ჩინჩალაძეს და რა სახის კორუფცია არსებობდა მაშინდელ სასამართლოში," - ამ განცახდებას კახა წიქარიშვილი აკეთებს.

წიქარიშვილი "პირველებთან" იხსენებს 2015 წელს მიხეილ ჩინჩალაძის განცხადებას, სადაც მან თქვა, რომ სასამართლოში კორუფციის მაღალი დონე არსებობს, თუმცა მისი ეს სიტყვები გამოძიების დაწყების საფუძველი არ გამხდარა. სწორედ ამიტომ თვლის წიქარიშვილი ვეტინგის სისტემას გამართლებულად.

მიხეილ ჩინჩალაძემ, რომელიც არის სასამართლო კლანის ლიდერი, თავად განაცხადა 2015 წელს, რომ სასამართლოში არსებობს კორუფციის მაღალი დონე და ის არსებობს, როგორც თბილისში, ისე რეგიონებში. არავინ დაინტერესებულა ამ განცხადებით და არ დაუბარებიათ საგამოძიებო უწყებებში, არაფერი არ უკითხავთ და არ გამოძიებულა, თუ რა იდგა ამ განცხადების უკან. შესაბამისად, ვეტინგი არის ერთერთი პასუხი ამ შეკითხვაზე, თუ რა ინფორმაცია ჰქონდა მიხეილ ჩინჩალაძეს და რა სახის კორუფცია არსებობდა მაშინდელ სასამართლოში,“ - ამბობს კახა წიქარიშვილი.

მოსამართლეთა კონფერენციაზე, რომელიც გუშინ ჩატარდა, იმსჯელეს ე.წ. ვეტინგის სისტემაზე, სადაც ლევან მურუსიძე ამტკიცებდა, რომ მოსამართლეები იყვნენ ერთსულოვნები, რომ ე.წ. ვეტინგი არ ემსახურება კეთილსინდისიერების შემოწმებას და მიმართულია სასამართლოს დამორჩილებისკენ.