გასულ წელს მივლინებებში ყველაზე მეტი თავდაცვის და იუსტიციის სამინისტროებმა დახარჯეს - სახელმწიფო აუდიტის სამსახურის, „ბიუჯეტის მონიტორის“ მიხედვით, 2023 წელს სახელმწიფო უწყებებმა მივლინებებში 72.5 მლნ ლარი დახარჯეს, რაც 22.1 მლნ ლარით მეტია, 2022 წლის ანალოგიური პერიოდთან შედარებით. 

 გასულ წელს ჯამურად მივლინებებზე - 50.4 მლნ ლარი დაიხარჯა.

სამინისტროების მიერ 2023 წელს სამივლინებო ხარჯების რეიტინგი შემდეგია:

• თავდაცვის სამინისტრო - 9.4 მლნ ლარი (2022 წელს 5.6 მლნ ლარი)
• იუსტიციის სამინისტრო - 8.8 მლნ ლარი (2022 წელს 5.7 მლნ ლარი)
• შინაგან საქმეთა სამინისტრო - 7.9 მლნ ლარი (2022 წელს 4.7 მლნ ლარი)
• გარემოს დაცვისა და სოფლის მეურნეობის სამინისტრო - 7.3 მლნ ლარი (2022 წელს 4.5 მლნ ლარი)
• მთავრობის ადმინისტრაცია - 5 მლნ ლარი (2022 წელს 3.5 მლნ ლარი)
• საგარეო საქმეთა სამინისტრო - 4.7 მლნ ლარი (2022 წელს 2.9 მლნ ლარი)
• განათლების, მეცნიერების სამინისტრო - 4.4. მლნ ლარი (2022 წელს 3.8 მლნ ლარი)
• კულტურის კულტურის, სპორტისა და ახალგაზრდობის სამინისტრო - 4.4 მლნ ლარი (2022 წელს 1.5 მლნ ლარი)
• ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - 4.1 მლნ ლარი (2022 წელს 3.8 მლნ ლარი)
• ეკონომიკისა და მდგრადი განვითარების სამინისტრო - 3.7 მლნ ლარი (2022 წელს 2.1 მლნ ლარი)
• ფინანსთა სამინისტრო - 1.9 მლნ ლარი (2022 წელს 1.5 მლნ ლარი)
• რეგიონალური განვითარებისა და ინფრასტრუქტურის სამინისტრო 544 667 ლარი (2022 წელს 285 510 ლარი)
• შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი - 62 679 ლარი (2022 წელს 57 769 ლარი).

გარდა ამისა, 2023 წელს საქართველოს პარლამენტმა და მასთან არსებულმა ორგანიზაციებმა მივლინებებში 3.2 მლნ ლარი დახარჯეს, პრეზიდენტის ადმინისტრაციამ კი 919 820 ლარი.