"ოცნებას ეშინია ემიგრანტების მაღალი ჩართულობის არჩევნებში", - ამის შესახებ განცხადება "გირჩი - მეტი თავისუფლების" ლიდერმა, ზურაბ ჯაფარიძემ "საჯარო პოლიტიკის" ეთერში გააკეთა.

ზურა ჯაფარიძე ოლიგარქის გუნდს პოლიტიკური ნების არ ქონაში ადანაშაულებს და პირდაპირ ამბობს, რომ იმ შემთხვევაში, თუ სამშობლოს მოწყვეტილ ადამიანებს მიეცემათ შესაძლებლობა, საკუთარი ქვეყნის ბედი გადაწყვიტონ, ივანიშვილის პარტია ძალაუფლების შენარჩუნებას ვერ შეძლებს.

"ქართულ ოცნებას" ეშინია ემიგრანტების მაღალი ჩართულობის არჩევნებში, რადგან ფიქრობენ, რომ ამის გამო შეიძლება, ძალაუფლება დაკარგონ. ეს ცხადი გახდა არა მარტო ჩვენთვის, არამედ დასავლელ პარტნიორებისთვისაც. მათთვისაც ცხადი გახდა, რომ "ოცნებას" უბნების გასახსნელად პოლიტიკური ნება არ აქვს და ამის მიზეზი არის პანიკური შიში. თუ დიდი რაოდენობით ემიგრანტი მივა უბანზე და მისცემენ ხმას, ისინი დაკარგავენ ძალაუფლებას", - აცხადებს ჯაფარიძე.