ეროვნული ნაკრების წევრები გულშემატკივრებს გერმანიაში მომდევნო თამაშზე წასვლისკენ მოუწოდებენ. ამის შესახებ თხოვნა ეროვნული ნაკრების წევრებმა რესპუბლიკის მოედანზე გაახმოვანეს, სადაც ისტორიულ გამარჯვებას მოსახლეობასთან ერთად ზეიმობენ.

"მინდა, გთხოვოთ, დავზოგოთ ფული და ყველანი გერმანიაში," - მიმართა ფეხბურთელმა გულშემატკივარს.

ეროვნული ნაკრების წევრბმა გულშემატკივართან ერთად საქართველოს ჰიმნი შეასრულეს.

საქართველოს ნაკრები ევროპის ჩემპიონატზე ისტორიაში პირველად გავიდა - ისტორიული მატჩი საქართველოს ნაკრების გამარჯვებით დასრულდა. საქართველოს ნაკრებმა საბერძნეთი პენალტების სერიაში დაამარცხა.

"სიხარულისგან აღარ ვარ. კიდევ მეტი გამარჯვებები, წარმატებები! დიდება საქართველოს!" - ასეთია საქართველოს ისტორიული გამარჯვების შემდეგ გულშემატკივრების რეაქციები.