რა გზავნილები ჩამოიტანა საქართველოს დელეგაციამ ბრიუსელიდან - "ქართული ოცნების" წევრი, მაკა ბოჭორიშვილი ამტკიცებს, რომ "ევრონესტის" სხდომაზე საერთაშორისო პარტნიორები დაარწმუნეს, რომ ივანიშვილის ხელისუფლება ევროკავშირის რეკომენდაციებს პირნათლად ასრულებს.

ბოჭორიშვილის თქმით, საქართველო არც ერთ იმ ქვეყანას არ ჩამორჩება, რომლებიც ევროკავშირთან მოლაპარაკებების დაწყებისთვის ემზადებიან.

გზავნილები იყო, არის და იქნება ისეთი, რაც სჭირდება ამ ქვეყნის წინ ნაბიჯების გადადგმას ევროკავშირში გაწევრიანების გზაზე. დღეს საქართველო არც ერთ ქვეყანას არ ჩამორჩება უკან, ვინც შედის ევროკავშირთან მოლაპარაკებების პროცესში. აქედან გამომდინარე, ნებისმიერი, პოლიტიკოსი იქნება ეს თუ საქართველოს მოქალაქე, რომელსაც აინტერესებს ევროკავშირში გაწევრიანება, უნდა ლობირებდეს ამგვარად ამ საკითხს, რომ საქართველო არ უნდა ჩამორჩებოდეს არცერთ კანდიდატ ქვეყანას ევროკავშირში გაწევრიანების პროცესში", - ამბობს მაკა ბოჭორიშვილი.