ირაკლი ღარიბაშვილს შს მინისტრობას უპირებდნენ - ამის შესახებ „რეაქციაში“ გიორგი გახარია საუბრობს. გახარიას თქმით, ღარიბაშვილის მინისტრთა კაბინეტში დაბრუნების გადაწყვეტილება "ოცნების" გუნდმა მიიღო. თუმცა, თავად ეცადა, რომ ღარიბაშვილი არა შინაგან საქმეთა სამინისტროში, არამედ თავდაცვის უწყებაში ყოფილიყო.

მე არასდროს არ ვყოფილვარ ერთპიროვნული მმართველი. მაშინ, როდესაც ირაკლი ღარიბაშვილის მთავრობაში გადმოყვანის საკითხი დადგა გუნდში, იმ არჩევანს, რა არჩევანიც არსებობდა, მე ვამჯობინე, რომ ირაკლი ღარიბაშვილი უკეთესი თავდაცვის მინისტრი იქნებოდა, ვიდრე ის ოფცია, რა მინისტრობასაც მას უპირებდნენ. იმაში, რომ ღარიბაშვილი თავდაცვის მინისტრი გახდა, ჩემი დამსახურებაც არის მხოლოდ და მხოლოდ, იმ ნაწილში, რომ არ მინდოდა გამხდარიყო ის მინისტრი, რასაც უპირებდნენ,“ - ამბობს გახარია.