იქნება თუ არა ივანიშვილი პრეზიდენტობის კანდიდატი - როგორც „საქართველოსთვის“ ლიდერი გიორგი გახარია ამბობს, „ოცნება“ რამდენიმე სცენარს დატესტავს და არც პარტიის წევრებმა იციან, რა ფორმით მიიღებს არჩევნებში მონაწილეობას ბიძინა ივანიშვილი.

ეს ყველაფერი ახლა არის მკითხაობა, ივანიშვილის გარეშე ოცნება მოიგებს თუ არა, ვერაფერს ვერ იზამს. მისი მონაწილეობა რა ფორმით იქნება, არავინ იცის, ვფიქრობ, რომ თავადაც არ იცის, დატესტავენ. ოცნებასთან დაკავშირებით დღეს არჩევნების კონტექსტში არის ერთადერთი საკითხი - ვინ იქნება სიის პირველი ნომერი, ვინ იქნება პარლამენტის თავმჯდომარეობის კანდიდატი და პრეზიდენტობის კანდიდატი, რა თქმა უნდა, ოცნება ყველაფერს გააკეთებს, რომ ბოლო მომენტამდე ეს ყველაფერი ნათელი არ იყოს, ამას გამოაცხადებენ სულ ბოლო მომენტში,“ - ამბობს გახარია.