"ოცნება" საქართველოდან პუტინის მოწინააღმდეგეებს დევნის, - ამის შესახებ ოპოზიციონერი დეპუტატი თეონა აქუბარდია საუბრობს. საქმე ეხება საქართველოში რუსი აქტივისტის იგორ მიგლანის არშემოშვებას.

პოლიტიკოსისთვის გაუგებარია, რატომ არ უშვებენ ქვეყანაში პუტინის მოწინააღმდეგე აქტივისტებს, ხოლო რუსი დიქტატორი მომხრეები კი საქართველოში თავისუფლად გადაადგილდებიან. 

„ქართული ოცნების“ ხელისუფლება დევნის პუტინის მოწინააღმდეგეებს საქართველოში და ის, რომ ეს ხალხის საქართველოში თავს უსაფრთხოდ ვეღარ გრძნობენ, ეს არის მოცემულობა. მე თავად არაერთი წერილი მაქვს გაგზავნილი შსს-ში სწორედ ამ კითხვით, თუ რატომ ხდება ისე, რომ პუტინის მომხრეები თავისუფლად შემოდიან საქართველოში და მოწინააღმეგეებს საზღვარზე არ უშვებენ და პასუხი არის, როგორც ყოველთვის, ერთი და იგივე - კანონზე მითითება, - ამბობს თეონა აქუბარდია.