ემიგრანტებმა საარჩევნო უბნების გახსნის მოთხოვნით საელჩოებთან მუდმივი აქციები უნდა მოაწყონ - სააკაშვილი
საზღვარგარეთ დამატებითი უბნების გახსნის მოთხოვნით ემიგრანტებმა აქციები უნდა მოაწყონ - ამის შესახებ სოციალურ ქსელში მიხეილ სააკაშვილი წერს.
როგორც საქართველოს მესამე პრეზიდენტი ამბობს, ემიგრანტებთან ერთად პოლიტიკურმა ძალებმა და აქტივისტებმა "შედეგის დასადებად ძალები უნდა გავაერთიანოთ".
უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს. ჩვენ დიდი ხანია ვიბრძვით ამისთვის.
ჩემი აზრით, უცხოეთში მყოფმა ქართველებმა ამ მოთხოვნით საქართველოს საელჩოებთან მუდმივი აქციები უნდა მოაწყონ. ამასთანავე, საქართველოში ყველა პოლიტიკურმა ძალამ და აქტივისტმა შედეგის დასადებად ჩვენი ძალები უნდა გავაერთიანოთ. წინააღმდეგ შემთხვევაში, ივანიშვილის რეჟიმი აუცილებლად დაბლოკავს ამ თემას. არ უნდა დავაბლოკინოთ!," - წერს სააკაშვილი.
