"ბავშვები ბაღში მშივრები დადიან და ასეთ სიტუაციაშიც კი, ბაგა-ბაღებში ბავშვების კვების საკითხსაც საკუთარი გამდიდრების მიზნით იყენებენ", - ამის შესახებ განცხადება თბილისის საკრებულოს "ერთიანი ნაციონალური მოძრაობის" დეპუტატმა, ბარბარა ჯიმელი სულაშვილმა გააკეთა.

ენმ-ის წევრი თბილისის ბაგა-ბაღების სააგენტოს ტენდერზე საუბრობს და აცხადებს, რომ 79-მილიონიანი ტენდერის მნიშვნელოვანი დოკუმენტი დამალულია.

ეს არ არის პირველი შემთხვევა, ძალიან ხშირად ხდება, რომ ბიძინა ივანიშვილის პარტია მსხვილი ტენდერის პირობებს ივანიშვილთან დაკავშირებულ კომპანიებს მოარგებს და ქვეყანაში, სადაც ბავშვები სკოლაში, ბაღში მშივრები დადიან, სადაც თვიდან თვემდე ოჯახებმა არ იციან ამ გაზრდილი ფასების, დაბალი ხელფასების ფონზე როგორ იცხოვრონ. მაშინ, როდესაც უფრო და უფრო იზრდება ემიგრაცია, მშობლები ტოვებენ ოჯახს, საკუთარ შვილებს, ასეთ სიტუაციაშიც კი არ ერიდებათ და ბაგა-ბაღებში ბავშვების კვების საკითხსაც კი საკუთარი გამდიდრების მიზნით იყენებენ“, - განაცხადა ბარბარა ჯიმელი სულაშვილმა, რომლის კომენტარსაც „ერთიანი ნაციონალური მოძრაობა“ ავრცელებს.