საქართველოში ამერიკელი დიპლომატის ოჯახი რუსეთის სამხედრო დაზვერვის მკვლელობებისა და საბოტაჟის  დანაყოფმა მოწამლა. ეს მტკიცებულებები სამი ცნობილი გამოცემის ჟურნალისტური გამოძიებით დადასტურდა. 

საქართველოს სახელმწიფო უსაფრთხოების სამსახური ისევ დუმს - ლილუაშვილის უწყება არ ამბობს, როგორ დაგეგმეს რუსულმა სპეცსამსახურებმა საქართველოს ტერიტორიაზე, პრაქტიკულად, ადამიანის მკვლელობა. 

დადგენილია რუსული სპეცსამსახურების მაღალჩინოსნის ვინაობა, ვინც საქართველოს ტერიტორიაზე ამერიკის საელჩოს თანამშრომლის მოწამვლის უკან დგას - ეს, სავარაუდოდ, ალბერტ ავერიანოვია. ის რუსული გრუს მეთაურის შვილია. დანაშაულის ადგილი დიდი დიღომი, მდიდარი ქართველების უბანია.