ახალი რეპრესიები ურჩი მოსამართლეების წინააღმდეგ - სისტემის გავლენიანი ჯგუფი შურისძიების რეჟიმზე გადადის და მოსამართლეებს ოჯახის წევრებით აშანტაჟებენ. მიზანში ამჯერად მადონა მაისურაძე ამოიღეს, რომლის ქმარი, სავარაუდოდ, კლანმა აიძულა სისტემიდან წასულიყო. მაისურაძე ის მოსამართლეა, რომელიც მურუსიძე-ჩინჩალაძის არაფორმალური ჯგუფის მითითებებს  არასდროს ემორჩილებოდა და ვინც კეთილსინდისიერების ტესტის ჩაბარებას მხარს უჭერდა. 

პარალელურად სასამართლო კლანი ოცნებას ემუქრება, შეშინებული ხელისუფლება  კი   მოსამართლეებისთვის  სანქციების მოხსნის  მცდელობაზე  გადადის.   გავრცელებული სკანდალური  აუდიო ჩანაწერების შემდეგ, ოცნება  შტატებისგან ითხოვს, რომ  კლანს სანქციები გაუუქმდეს. ეს  კი   სამოქალაქო სექტორისთვის სასამართლო და  საკანონმდებლო ხელისუფლებებს შორის   გარიგების კიდევ ერთი დადასტურებაა. კლანმა  ოცნებაზე და მათი მითითებით  მიღებულ   გადაწყვეტილებებზე ბევრი იცის.ამიტომ ივანიშვილის გუნდს  მოსამართლეების გაბრაზება არ აწყობს.