საქართველოს სახალხო დამცველი პარლამენტში "ოცნების" დეპუტატის მიერ ოპოზიციონერ ქალ პოლიტიკოსებისთვის შეურაცხყოფის მიყენებას ეხმაურება.

ლევან იოსელიანი მომხდარს გმობს და პარლამენტარებს მოუწოდებს, თავი შეიკავონ ქალების მიმართ დამამცირებელი და დისკრიმინაციული დამოკიდებულების გაჟღერებისგან.

ჩემთვის აბსოლუტურად  მიუღებელია, რაც  დღეს პარლამენტში ვიხილე, დაუშვებელია უხამსი და შეურაცხმყოფელი ტერმინების გამოყენება ქალი დეპუტატების მიმართ. მოვუწოდებ ყველა დეპუტატს თავი შეიკავოს ქალების დამცირებისა და შეურაცხყოფისგან და დაიცვან ეთიკის მინიმალური სტანდარტები! ეს არავის მატებს ღირსებას!" - წერს იოსელიანი.

მმართველი პარტიის წარმომადგენელმა, ბექა ოდიშარიამ ოპოზიციონერ ქალ დეპუტატებს სიტყვიერი შეურაცხყოფა მიაყენა.