ქალების მაგინებელი და წარმოუდგენელი შეურაცხყოფის ავტორი ბექა ოდიშარია თავის მართლების რეჟიმზე გადავიდა. რამდენიმე საათიანი მიმალვის შემდეგ პარტიის ლიდერებთან გამართული კონსულტაციებიდან დეპუტატმა მესიჯბოქსი გამოიტანა. მედიასთან კომენტარი გააკეთა, ბოდიში მოიხადა, ოღონდ ყველაფერი მაინც მონტაჟს დააბრალა. არადა ის, რაც კამერების ობიექტივში მოხვდა ერთი უწყვეტი კადრია და გარკვევით ისმის ოდიშარიას უხამსი ფრაზა, რომლის გამეორება ეთერში უბრალოდ შეუძლებელია.

პარლამენტის დეპუტატის წინააღმდეგ სანქციები არ ამოქმედებულა, შალვა პაპუაშვილი თანაგუნდელის დაჯარიმებას, სავარაუდოდ, არც აპირებს. ქალების შეურაცხყოფა მმართველი პარტიის კაცმა დეპუტატებმა დღის წესრიგად აქციეს, თუმცა მათ მიმართ რეგლამენტით დადგენილი ნორმები არასდროს ამოქმედებულა. ასე მოხდა ირაკლი ბერაიას შემთხვევაში, რომელმაც თეონა აქუბარდიას შეურაცხყოფა მიაყენა და ასე მოხდება, სავარაუდოდ, ოდიშარიასთვისაც.

ვრცლად ნახეთ ხატია სამხარაძის რეპორტაჟში.