რას გეგმავენ რუსული კანონის მხარდაჭერასთან დაკავშირებით "ქართული ოცნების" ის დეპუტატები, ვინც გასულ წელს კრიტიკულად შეაფასა კანონპროექტი? - "პირველებმა" კითხვა დაუსვა დავით სონღულაშვილს, რომელმაც გასულ წელს რუსული კანონი სოციალურ ქსელში "ოცნების" შეცდომად გამოაცხადა, თუმცა პოსტი მალევე წაშალა. 

ჟურნალისტი: რუსულ კანონზე დაწერეთ პოსტი, წელს ამ კანონს მარტივად დაუჭერთ მხარს? მწვანე ღილაკს თითს მიაჭერთ?

დავით სონღულაშვილი: გთხოვთ, გამიშვათ, მეჩქარება შეხვედრაზე, დაგვიანებით მივდივარ ისედაც.

გასულ წელს რუსული კანონის პირველი მოსმენით მიღება შეცდომად მიიჩნია დავით სონღულაშვილმა. "ქართული ოცნების" დეპუტატმა ფეისბუკ გვერდზე წერილი გამოაქვეყნა.

თუმცა მალევე წაშალა და "ქართული ოცნების" დეპუტატი ირწმუნებოდა, რომ პოსტის წაშლის დირექტივა, მმართველი პარტიის თავმჯდომარის, ირაკლი კობახიძისგან არ მიუღია.