"ვულოცავ საქართველოს მოქალაქეებს, რომლებიც იცავენ უფლებას იყვნენ ევროპელები!" - ასე ეხმაურება ევროპარლამენტარი პეტრას აუსტრევიჩუსი თბილისში ჩატარებულ თავისუფლების მარშს, სადაც მოქალაქეები რუსული კანონის ხელახლა დაბრუნებას აპროტესტებდნენ.

ვულოცავ საქართველოს იმ მოქალაქეებს, რომლებიც იცავენ თავიანთ უფლებას იყვნენ ევროპელები!” , - წერს აუსტრევიჩუსი.

თბილისში, "თავისუფლების მარში" რესპუბლიკის მოედანზე დაიწყო და საქართველოს პარლამენტთან დასრულდა სლოგანით: “კი ევროპას! არა რუსულ კანონს!".

დაანონსდა მომდევნო აქცია ორშაბათს, სწორედ იმ დღეს, როცა "ოცნება" რუსული კანონის საკომიტეტო განხილვას იწყებს.