პარლამენტში ცესკოს თავმჯდომარისა და წევრების კანდიდატურების არჩევა ისევ ჩავარდა. ცესკოს თავმჯდომარეობისთვის საკმარისი ხმები გიორგი კალანდარიშვილმა ვერ მოაგროვა. კანდიდატურის დამტკიცებისთვის 90 ხმა იყო საჭირო.

კენჭისყრა 2 კვირაში ისევ გაიმართება და ამჯერად კალანდარიშვილის დასამტკიცებლად უბრალო უმრავლესობა იქნება საკმარისი.

როგორია რეგლამენტი:

• ცესკოს წევრის და თავმჯდომარის არჩევა შესაძლებელია პარლამენტის შემადგენლობის სამი მეხუთედის (90 ხმა) მხარდაჭერით.
• თუკი კანდიდატები ხმების საკმარის რაოდენობას ვერ მოიპოვებენ, პარლამენტი მეორე კენჭისყრაზე ჩვეულებრივი უმრავლესობით (76 ხმა) მიიღებს გადაწყვეტილებას.
• კანდიდატურების მორიგი ჩავარდნის შემთხვევაში, კენჭისყრა ანალოგიური პრინციპით გაიმართება. თუ პარლამენტი ვერც ამ შემთხვევაში შესძლებს ცესკოს პროფესიული წევრებისა და თავმჯდომარის არჩევას, კანდიდატურების დანიშვნის უფლებამოსილება პრეზიდენტს გადაეცემა.