ჭავჭავაძის გამზირზე დაკავებულია ვატო ბჟალავა. ინფორმაციას დათა თავაძე სოციალურ ქსელში ავრცელებს.

ირკვევა, რომ ბჟალავა დააკავეს ანტირულ აქციაზე, როდესაც დემონსტრანტები საპროტესტო მსვლელობას მართავდნენ ჭავჭავაძის გამზირიდან პარლამენტის შენობისკენ.

რამდენი პირია დაკავებული ჭავჭავაძის გამზირზე, უცნობია, შსს-ს ამ დრომდე ინფორმაცია არ გაუვრცელებია.

ჭავჭავაძის გამზირზე, სადაც ხალხის მსვლელობა იყო, რეჟისორი ლევან აბდუშელიშვილი დააკავეს, რომელიც სოციალურ ქსელში წერს, რომ მასზე იძალადეს და ახლა საავადმყოფოშია გადაყვანილი.

პოლიციამ მსვლელობაზე, რომელიც უჩა აბაშიძის დაკავებას მოჰყვა, რამდენიმე ადამიანი დააკავა. გავრცელებული კადრებიდან ჩანდა, რომ პოლიცია აქციის მონაწილეებს ფიზიკურად უსწორდებოდა.

აქციის მონაწილეების თქმით, მინიმუმ, 7 ადამიანია დაკავებული. მომიტინგეები ყვებიან, რომ პოლიცია ძალის გამოყენებით აკავებდა მოქალაქეებს:

• გოგოების მიმართ იყვნენ აგრესიულები... თელავდნენ - ფარულავა
• ერთი გოგო კინაღამ გაიგუდა ჭყლეტვაში და წიხლებით შედგნენ - აქციის ერთ-ერთი მოქალაქე
• იჭერდნენ გოგოებს თმებით, ძალადობდნენ - გრიგორიადისი