საქართველოს მთავრობა უპრეცედენტო სკანდალში ეხვევა. ირკვევა, რომ ჩრდილო-ატლანტიკურმა ალიანსმა საქართველოს მთავრობასთან ერთობლივი პროექტი გააჩერა.

სტრატკომის პროექტს, რომელიც NATO-ს დაფინანებით და დიდი ბრიტანეთის მეთვალყურეობით საქართველოში რუსული პროპაგანდის წინააღმდეგ საბრძოლველად შეიქმნა, მთავრობა არა რუსეთის, არამედ საკუთარი მოქალაქეების წინააღმდეგ იყენებდა.

ამ თემაზე უკვე ორი ჟურნალისტური გამოძიება გამოქვეყნდა. ამ გამოძიებებში კი წარმოუდგენლად მძიმე დეტალებია აღწერილი.

ირკვევა, რომ დეზინფორმაციასთან ბრძოლისთვის განკუთვნილი პროექტი თავად ჩაუდგა სათავეში არასწორი ინფორმაციის გავრცელებას.

საქართველოს სტრატეგიული კომუნიკაციების დეპარტამენტი, ან StratComs, დიდი ბრიტანეთის ხელმძღვანელობით 2015 წელს შექიმნა, ნატოს ინიციატივის ფარგლებში. პროექტი შეიქმნა შავი ზღვის ქვეყნის გამძლეობის გასაძლიერებლად რუსული ჰიბრიდული ომის მიმართ.

ამ პროექტის ფარგლებში, საქართველოს მთავრობის თანამშრომლებს ჩაუტარდათ ტრენინგი და ტექნიკური დახმარება ალიანსის ექსპერტებისგან, ასევე დაესწრნენ და უმასპინძლეს კონფერენციებს და დეზინფორმაციისა და პუტინისტური პროპაგანდის წინააღმდეგ ბრძოლის მეთოდებზე ანალიტკური მოსაზრებები გაცვალეს. 

დროთა განმავლობაში, მთავრობა ანტიდასავლური ტრაექტორიის გზას დაადგა, სტრატკომმა ისეთი საქმიანობის განხორციელება დაიწყოო, რომლისგან თავდასაცავადაც თავად შეიქმნა. 
ქართული მეთვალყურეების არაერთი მოხსენება აჩვენებს, თუ როგორ იყენებდა დანაყოფი ტროლების ანგარიშებს პოლიტიკურ ოპონენტებზე რუსული სტილით სასტიკი თავდასხმების განსახორციელებლად, ასევე ავრცელებდა ყალბ ახალ ამბებს და პროპაგანდისტულ ნარატივებს სწორედ იმ პარტნიორების წინააღმდეგ რომლებიც მათ უჭერდნენ მხარს.

ინსაიდერმა თქვა, რომ „რა თქმა უნდა [დიდი ბრიტანეთმა] იცოდა, რომ მათი რესურსების ბოროტად გამოყენება ხდებოდა და დასძინა, რომ ოფიციალურ პირებს ჰქონდათ ინფორმაცია, რომ გადასახადის გადამხდელთა ფულს გონივრულად არ იყენებდნენ," - წერია სტატიაში.

Byline Times-ის ინფორმაციით, ჯეიმს კლევერლი, გაერთიანებული სამეფოს ყოფილი საგარეო საქმეთა მინისტრი პირადად იყო ინფორმირებული სიტუაციის შესახებ არასამთავრობო ორგანიზაციების წარმომადგენლებთან შეხვედრისას, თბილისში დიპლომატიური ვიზიტის დროს 2023 წლის მარტში.  გამოცემას წყარო უყვება, რომ ყოფილ საგარეო საქმეთა მინისტრს პირდაპირ უთხრეს ნატოს მიერ მხარდაჭერილი ქართული StratComs სამმართველოს წინააღმდეგ ბრალდებების შესახებ. 

ნატოს მიერ მხარდაჭერილი სტრატეგიული კომუნიკაციების პროექტი დაარსდა 2015 წელს. StratComs, რომელიც შეიქმნა ამ პროექტის ფარგლებში და განთავსებულია პრემიერ-მინისტრის ოფისში, წლების განმავლობაში მიიღო მნიშვნელოვანი დახმარება შეერთებული შტატებისა და დიდი ბრიტანეთისგან დაფინანსებული ტრენინგისა და ტექნიკური რესურსების სახით - მოსკოვის გავლენის წინააღმდეგ ბრძოლის ფართო ძალისხმევის შესახებ, რომელიც ათობით მილიონი დოლარი დაჯდა. 

იმის მაგივრად, რომ რუსეთის დეზინფორმაციას ეწინააღმდეგებოდა, საქართველოს ხელისუფლება თითქოს პირიქით აკეთებდა. საქართველოს სამოქალაქო საზოგადოების აქტორებმა, როგორიცაა მედიის განვითარების ფონდი და სამართლიანი არჩევნებისა და დემოკრატიის საერთაშორისო საზოგადოება (ISFED), ფეისბუქზე აკავშირებენ ყალბ ანგარიშებს, რომლებიც გამოხატავდნენ პრო-სამთავრობო სიმპათიებს თავად ხელისუფლების მიმართ. როგორც ჩანს, ქვეყნის ხელმძღვანელობას შეეძლო ყალბი ანგარიშების გამოყენება თავისი პოლიტიკის მხარდაჭერისთვის. იმავე წლის ბოლოს მეტამ გაანადგურა „ქართულ ოცნებასთან“ მიბმული ტროლების ქსელი, რომლებიც საინფორმაციო ორგანიზაციებს და პოლიტიკურ პარტიებს წარმოადგენდნენ.

გასული წლის მაისში META-მ დახურა 80 ექაუნთი, 26 გვერდი და ცხრა ჯგუფი Facebook-ზე და კიდევ ორი ​​ინსტაგრამის ანგარიში, რომელიც დაკავშირებულია StratComs-თან „კოორდინირებული არაავთენტური ქცევისთვის“ - სხვა სიტყვებით რომ ვთქვათ, ტროლინისთვის," - წერს გამოცემა.