თავდასხმა ენმ-ს ოფისზე - ლევან ხაბეიშვილი სოციალურ ქსელში სკანდალურ ვიდეოს აქვეყნებს, სადაც ჩანს, როგორ ტოვებენ თავდამსხმელები ტერიტორიას 10-ობით ავტომობილით.

კადრებში პირდაპირი ჩანს, რომ პარტიის ოფისის ქვებით და ხელკეტებით დარბევის შემდეგ, ზონდერები შენობას ტოვებენ, მათ ავტომობილებში გადანაწილებას კი საპატრულო პოლიცია იქვე ელოდება.

ენმ-ს თავმჯდომარის თქმით, 100-მდე ადამიანიდან არცერთი არ დაუკავებიათ.

ენმ-ის ოფისზე თავდამსხმელები 10-ობით ავტომობილით ტოვებს ტერიტორიას, თავდასხმიდან 2 წთ-ში, "იდეალის" საპარკინგე სივრციდან.  ვიდეოში გარკვევით ჩანს საპატრულო პოლიციის ეკიპაჟი, რომელიც აცილებს "ბანდიტების" ავტომობილებს და მხოლოდ ამის შემდეგ იძვრება ენმ-ის ცენტრალური ოფისისკენ, საიდანაც მიიღეს შეტყობინება ბანდფორმირების თავდასხმის შესახებ. 
მე-4 დღეა და 100-მდე ადამიანიდან არცერთი არ დაუკავებიათ ... თავად მოაცილა და თავად გააცილა გომელაურის უწყებამ და შესაბამისად გასაგებია, რომ არაფერს გამოიძიებენ", - წერს ლევან ხაბეიშვილი.

ცნობისთვის, 1-ელ ივნისს, გამთენიისას "ერთიანი ნაციონალური მოძრაობის" ოფისს თავს რამდენიმე ათეული პირი დაესხა. მათ ხელკეტებითა და ქვებით პარტიის ოფისის ფანჯრები ჩაამსხვრიეს და კედლებზე სხვადასხვა შინაარსის წარწერები დატოვეს.