"ნაპოლის" პრეზიდენტი, აურელიო დე ლაურენტისი დღეს გერმანიაში ხვიჩა კვარაცხელიასა და მის აგენტს შეხვდა. ინფორმაციას იტალიელი სპორტული ჟურნალისტი, ფაბრიციო რომანო სოციალურ ქსელში ავრცელებს. 

"ნაპოლის" გზავნილი კვარასთვის მკაფიოა: „ნაპოლი“ არ აპირებს მის გაშვებას ამ ზაფხულს, რადგან ის კონტესა და კლუბის წამყვანი მოთამაშეა. ევროს დასრულებისთანავე "ნაპოლი" ახალი კონტრაქტის წინადადებას გაუგზავნის“, - წერს ფაბრიციო რომანო.

რჩება თუ არა ხვიჩა კვარაცხელია ნეაპოლურ გუნდში - კონტემ დაადასტურა, რომ ქართველი ფეხბურთელი მომავალი სეზონიდანაც იტალიური გუნდის ღირსებას დაიცავს.

გუშინდელი მატჩის შემდეგ კვარაცხელიასთან ერთ-ერთი კითხვა მის მომავალს ეხებოდა. ქართველი ფეხბურთელი აღნიშნავს, რომ თავის მომავალს ევრო 2024-ის დასრულების შემდეგ გადაწყვეტს.

კონტეს პატივს ვცემ, ერთ-ერთი საუკეთესო მწვრთნელია, „ნაპოლის’’ პატივს ვცემ, „ნაპოლი’’ მიყვარს, მაგრამ ჩემს მომავალს ევროპის ჩემპიონატის დასრულების შემდეგ გადავწყვეტ," - თქვა კვარაცხელიამ.