საქართველოს პრემიერმინისტრი, ირაკლი ღარიბაშვილი ნატოს შტაბბინაში ალიანსის გენერალურ მდივანს, იენს სტოლტენბერგს შეხვდება.

შეხვედრის შემდეგ დაგეგმილია  ერთობლივი პრესკონფერენცია. დაგეგმილია ასევე ნატო-საქართველოს კომისიის სხდომა.

ღარიბაშვილი ქართულ დელეგაციასთან ერთად   ბრიუსელში 15 მარტს გაემგზავრა. ვიზიტის ფარგლებში  ღარიბაშვილმა უკვე სამი შეხვედრა გამართა   ევროპული საბჭოს პრეზიდენტ შარლ მიშელთან. გუშინ გაიმართა საქართველო-ევროკავშირის ასოცირების საბჭოს სხდომა, რის შემდეგაც განცხადებები გაკეთდა.