დღეს პატრიოტიზმი და ვაჟკაცობა გადის ვაქცინაციაზე - ზურაბიშვილი

03.08.21 20:12
დღეს პატრიოტიზმი და ვაჟკაცობა გადის ვაქცინაციაზე - ზურაბიშვილი

დღეს პატრიოტიზმი და ვაჟკაცობა გადის ვაქცინაციაზე - ამის შესახებ პრეზიდენტმა სალომე ზურაბიშვილმა სპეციალურ ბრიფინგზე განაცხადა და საზოგადოებას ვაცქინაციისკენ კიდევ ერთხელ მოუწოდა.

დღეს საქართველო მწვავე გამოწვევების წინაშეა. ვირუსის გავრცელების დღევანდელი ციფრები უნდა გვაშფოთებდეს. ვაქცინაციის მოწინააღმდეგეებს უნდა ესმოდეთ, რომ მათი დამოკიდებულება არც რაღაც პიროვნული არჩევანია და არც თავისუფლების გამოხატულება. მათი ქცევა პირდაპირ საფრთხეს უქმნის სხვას, საკუთარი ოჯახის წევრს, მეზობელს, ნაცნობს და ამ პატარა ქვეყნის მოსახლეობას, მის ჯანმრთელობას, სიცოცხლისუნარიანობას და მის მომავალს. ნამდვილი პატრიოტიზმი არც ტრაბახია, არც ძალადობა და არც კუნთების თამაში. დღეს პატრიოტიზმი და ვაჟკაცობა გადის ვაქცინაციაზე, საზოგადოებრივ თვითშეგნებასა და პასუხისმგებლობაზე“, - თქვა ზურაბიშვილმა.