საქართველოს პრეზიდენტი "ქართული ოცნების" საარჩევნო ბანერებს "სამარცხვინოს" უწოდებს.

პრეზიდენტი ფიქრობს, რომ ივანიშვილის გუნდს ქვეყანა ჯოჯოხეთისკენ მიჰყავს და ამისთვის საბჭოთა КГБ-ს  მეთოდებს იყენებს. 

საუბარია "ქართული ოცნების" საარჩევნო პროპაგანდაზე, რომელმაც რუსეთის მიერ დაბომბილი უკრაინული ქალაქების ფოტოების ქუჩაში გამოფინა: 

ასეთი სამარცხვინო, ასეთი ჩვენი კულტურის, ტრადიციების, ისტორიისა და რწმენის შეურაცხმყოფელი არაფერი მინახავს… რა დღეში უნდა იყოთ, რა საცოდავები, რომ კგბს სამჭედლოში დამზადებული პლაკატი თქვენს ხალხს უტიფრად და უნამუსოდ შესთავაზოთ!  … “ღირსებით” ჯოჯოხეთისკენ!" - წერს სალომე ზურაბიშვილი. 

ბოლო რამდენიმე სააათია, ქვეყანაში ახალი ბანერები გაჩნდა - "ქართული ოცნება" საარჩევნო პროპაგანდისთვის უკრაინაში რუსეთის მიერ დაბომბილი შენებების ფოტოებს იყენებს.