თბილისი არ ყოფილა ერთადერთი ქალაქი, სადაც "ქართულმა ოცნებამ" არჩევნები წააგო - ცენტრალური საარჩევნო კომისიის წინასწარი მონაცემების თანახმად, მმართველი პარტია ბათუმში, ქუთაისში, რუსთავსა და წალენჯიხაშიც მარცხდება.

ცესკოს მონაცემების მიხედვით, "ქართული ოცნების" პროცენტულობა დიდ ქალაქებში შემდეგნაირად გადანაწილდა:

• რუსთავი - 40.99%
• ბათუმი - 49.726%
• ქუთაისი - 47.328%
• წალენჯიხა - 48.052%

ცნობისთვის, ცენტრალური საარჩევნო კომისიის პირველადი მონაცემებით, "ქართულმა ოცნებამ" თბილისში დიდი უპირატესობით წააგო. 

ცენტრალურმა საარჩევნო კომისიამ 2024 წლის საპარლამენტო არჩევნების წინასწარი შედეგები გამოაცხადა. დათვლილია 2 206 უბანი 3 111 უბნიდან, სადაც მოდერნიზებული, ელექტრონული არჩევნები ჩატარდა.

ოცნება - 52.99%, ოპოზიცია - 38.27% - ასეთია ცესკოს წინასწარი შედეგები.

ასევე ნახეთ, ორი ამერიკული კვლევითი ინსტიტუტის შედეგები:

• Edison Research: ოპოზიციამ ქართული ოცნება 10%-იანი სხვაობით დაამარცხა
• ქართული ოცნება 42%, 4 ოპოზიციური პარტია 48% - მთავარი არხის ეგზიტპოლის შედეგები