''მოგვიწვეს ბრძოლა და მოგვიწევს ქუჩაში ბრძოლა, ამისთვის იყავით მზად" - ამ სიტყვებით მიმართა კოალიცია "ცვლილებისთვის" ერთ-ერთმა  ლიდერმა ზურა ჯაფარიძემ რუსთაველის გამზირზე შეკრებილ მოქალაქეებს.

''ეს ხალხი, ვინც აქ დგახართ, ამ ქვეყანაში ხართ თავისუფლების ბოლო ბასტიონი'' - თქვა მან.

წინ არის ძალიან მოკლე ვადები. ერთი ვადაა 21 ნოემბერი. ესაა ბოლო ვადა, როცა ცესკომ უნდა გამოაქვეყნოს ე.წ შემაჯამებელი ოქმი და ბეჭედი უნდა დაარტყას ივანიშვილის რიცხვებს და მანამდე, ჩვენ ყველაფერი უნდა გავაკეთოთ, რომ ვერ გაბედოს ცესკომ და კალანდარიშვილმა ამის გაკეთება ამ ქვეყნის შიგნით და ქვეყნის გარეთ ჩვენი მეგობრები უნდა დაგვეხმარონ ამაში...

ამის შემდეგ რჩება კიდევ პატარა ვადა - 10 დღიანი ვადა, განსაზღვრული კონსტიტუციით, როდესაც ამ შენობაში  ეს ნაგვები უნდა შეიკრიბონ და საკუთარი ლეგიტიმაცია ცნონ და ეს არ უნდა დავუშვათ. ოღონდ ეს არის ყველას გასაკეთებელი, თქვენ, ეს ხალხი, ვინც აქ დგახართ, ამ ქვეყანაში ხართ თავისუფლების ბოლო ბასტიონი. მოგვიწვეს ბრძოლა და მოგვიწევს ქუჩაში ბრძოლა, ამისთვის იყავით მზად'', - განაცხადა ზურა ჯაფარიძემ.

რუსთველის გამზირზე  გამართულ საპროტესტო აქციაზე, ათასობით ადამიანი ქუჩაში საკუთარი ხმის დასაცავად გამოვიდა. ხელახალი არჩევნების დანიშვნის მოთხოვნით, აქციას ხვალ, სპორტის სასახლესთანაც გამართავს. 

"ერთიანობა - ნაციონალური მოძრაობის" ლიდერმა, გიორგი ვაშაძემ პარლამენტთან აქციაზე შეკრებილებს ოპოზიციური პარტიების ერთობლივი პრინციპები გააცნო.