ევროკავშირის საგარეო საქმეთა მინისტრების გადაწყვეტილება ცნობილია - EU საქართველოში "ტექნიკურ მისიას" აგზავნის
ევროკავშირის საგარეო საქმეთა მინისტრების გადაწყვეტილება ცნობილია - როგორც "რადიო თავისუფლების" ევროპის ბიუროს რედაქტორი, რიკარდ იოზვიაკი სოციალურ ქსელში წერს, საქართველოში ევროკავშირის კომისიის "ტექნიკური მისია" ჩამოვა.
ჟურნალისტის ინფორმაციით, "ტექნიკური მისიის" შემადგენლობაში EEAS-ის [ევროპის საგარეო ქმედებათა სამსახური] და ევროკომისიის წევრები შევლენ.
ამასთან, იოზვიაკის თქმით, სამხრეთ კავკასიაში ევროკავშირის სპეციალურ წარმომადგენელს შესაძლოა, უფრო ფართო მანდატი მიენიჭოს.
ევროკავშირის საგარეო საქმეთა მინისტრებმა განიხილეს საქართველოს საკითხი. ქვეყანაში გაემგზავრება EEAS/ევროკავშირის კომისიის ოფიციალური პირების "ტექნიკური მისია". ევროკავშირის სპეციალურ წარმომადგენელს სამხრეთ კავკასიაში შესაძლოა უფრო ფართო მანდატი მიენიჭოს. ODIHR ევროკავშირის ოფიციალურ პირებს სიტუაციის შესახებ ცნობებს მიაწვდის". - წერს იოზვიაკი.
ცნობილია, რომ მინისტრების მიერ მიღებულ გადაწყვეტილებას ოფიციალურად საგანგებო ბრიფინგზე ჯოზეფ ბორელი რამდენიმე საათში გააჟღერებს.
ცნობისთვის, დღეს, 18 ნოემბერს, ევროკავშირის საგარეო საქმეთა საბჭოს სხდომაზე საქართველოს საკითხი განიხილეს.
