განსაკუთრებული სისასტიკით ცნობილი ზვიად ხარაზიშვილი თავისუფლების მოედანზე გამოჩნდა - ის საკუთარი ავტომობილით მიუახლოვდა ადგილზე მიყვანილ საპოლიციო ძალებს და სავარაუდოდ, გარკვეული მითითება მისცა. 

გდდ-ის შეფმა დღეს მედიის კითხვებს არ უპასუხა. 

თავისუფლების მოედანზე იმყოფება სანქცირებული "ხარებას" ასევე სანქცირებული მოადგილე, მილერი ლაგაზაური. 

"პირველების" კამერამ თავისუფლების მოედანზე საპოლიციო ძალების მობილიზება გადაიღო - კადრებში ჩანს, რომ დედაქალაქის ცენტრში, წყლის ჭავლის ახალი მანქანები მიიყვანეს.

საპოლიციო ძალების სრული მობილიზებაა სამთავრობო კვარტალში. 

პარალელურად, რუსთაველის გამზირზე, გაყალბებულ არჩევნებს მოქალაქეები აპროტესტებენ.