“ქართული ოცნების” ცენტრალურ ოფისთან შეკრებილი აქციის მონაწილეები რუსთაველის გამზირზე მიმდინარე აქციას მსვლელობით შეუერთდნენ. 

"ხელისუფლება ეკუთვნის ხალხს", "ბრძოლა ბოლომდე", "არ დავთმობთ ევროპულ მომავალს", “გამოდით”, - ამბობენ მსვლელობის მონაწილეები. 

მსვლელობამდე აქციის მონაწილეებმა პროტესტის ნიშნად გორგასლის ქუჩა გადაკეტეს. 

აქცია გორგასლის ქუჩაზე მას შემდეგ დაანონსდა, რაც „ქართულმა ოცნებამ” გამოაცხადა, რომ ევროკავშირთან მოლაპარაკებების პროცესის დაწყებას აჩერებს.