რუსთაველის გამზირზე გადაღებული კადრების გაშიფვრის შემდეგ დასტურდება, რომ "ფორმულას" ჟურნალისტს, გურამ როგავას პროფესიული საქმიანობის შესრულების დროს, თავს სპეცრაზმელი დაესხა.

ვიდეოს,  სოციალურ ქსელში ტელეკომპანია ფორმულა აზიარებს და წერს: "სპეცრაზმელი, რომელიც ჯერ წაქცეულ მოქალაქეს ურტყამდა ფეხს, შემდეგ გურამ როგავასკენ გაიქცა და გამიზნულად თავში ჩაარტყა. ეს სხვადასხვა რაკურსით გადაღებული კადრებიდან უტყუარად დგინდება".

რამდენიმე წუთის წინ, განცხადება გაავრცელა დაშავებულმა ჟურნალისტმაც: 

„მეგობრებო, მშვიდად ვარ! არ ინერვიულოთ! ერთადერთი ვისი საქმეც ცუდად არის ივანიშვილის ნიღბიანი რეჟიმია“ -  წერს „ფორმულას“ ჟურნალისტი გურამ როგავა.