საქართველოში განვითარებულ მოვლენებთან დაკავშირებით ევროპარლამენტარი მაიკლ გალერი X-ზე წერს და "რეპრესიებზე პასუხისმგებელი" პირებისთვის სანქციების დაწესებას ითხოვს.

საგარეო ურთიერთობათა საკითხებში ევროპის სახალხო პარტიის წარმომადგენელი მიიჩნევს, რომ შავ სიაში პირველი ადგილი ბიძინა ივანიშვილმა - "რეორიენტაციის ნათლიმამამ" უნდა დაიკავოს. 

დროა საქართველოში სანქციები დაუწესდეს ყველას, ვინც პოლიტიკური ოპონენტებისა და სამოქალაქო საზოგადოების წინააღმდეგ რეპრესიებზეა პასუხისმგებელი. სიაში პირველ ადგილას უნდა იყოს ბიძინა ივანიშვილი - ამ "რეორიენტაციის" ნათლიმამა. ევროკავშირის აღმასრულებელი ასევე კარგად უნდა დააკვირდეს პრეზიდენტ ზელენსკის სიას". - წერს მაიკლ გალერი.