ჰადსონის ინსტიტუტის პანელურ დისკუსიაზე ჩართვის შემდეგ საქართველოს პრეზიდენტი, სალომე ზურაბიშვილი სოციალურ პლატფორმა X-ზე განცხადებას ავრცელებს და ამერიკელ მეგობრებს მხარდაჭერისთვის მადლობა უხდის.

ზურაბიშვილის თქმით, “მათი ურყევი და ყოვლისმომცველი მხარდაჭერა გადამწყვეტია ქართველი ხალხისთვის“.

მადლობას ვუხდი ჩვენს ძვირფას ამერიკელ მეგობრებს მათი ურყევი და ყოვლისმომცველი მხარდაჭერისთვის, რომელიც გადამწყვეტია ქართველი ხალხისთვის #NewElectionsForGeorgia- სთვის ჩვენს ბრძოლაში“, - წერს ზურაბიშვილი.

პრეზიდენტ ზურაბიშვილის განცხადებები ჰადსონის ინსტიტუტის პანელურ დისკუსიაზე ჩართვისას:

• "უნდა მოხდეს ზეწოლა სანქციებით, არა მხოლოდ "ოცნების" ლიდერებზე, არამედ მათ გარემოცვაზე... უნდა დაგვეხმაროთ, ჩავატაროთ ახალი არჩევნები" - პრეზიდენტი
• "ოცნება" გადაიქცა რუსულ კოშმარად და ქვეყანა პარტნიორებისგან შორს მიჰყავს - პრეზიდენტი ზურაბიშვილი
• არჩევნების ორგანიზებული მოპარვა იყო წინასწარ დაგეგმილი და ეს იყო რუსეთის სტრატეგია - სალომე ზურაბიშვილი
• მე არ ვარ ყოფილი პრეზიდენტი, მე ვარ ერთადერთი ლეგიტიმური პრეზიდენტი - სალომე ზურაბიშვილი