საქართველოს მეხუთე პრეზიდენტი, სალომე ზურაბიშვილი, რომელიც ამ წუთებში ვაშინგტონში, კაპიტოლიუმის შენობაში იმყოფება, სოციალურ ქსელში წერს, რომ უზენაესი სასამართლოს მოსამართლეების დარბაზში მისვლას საზოგადოება ტაშით შეეგება.

"ჩვენთან ამას ნეტავ როდის ვეღირსებით!?" - აღნიშნავს სალომე ზურაბიშვილი.

როგორ შემშურდა: ინაუგურაციაზე ტაშით მიეგება საზოგადოება უზენაესი სასამართლოს მოსამართლეების შემობრძანებას! ჩვენთან ამას ნეტავ როდის ვეღირსებით!" - წერს სალომე ზურაბიშვილი.

ამერიკის შეერთებული შტატების 47-ე პრეზიდენტის, დონალდ ტრამპის ფიცის დადების ცერემონია თბილისის დროით დღეს, 20 იანვარს, 21:00 საათზე დაიწყება. დონალდ ტრამპი ფიცს უზენაესი სასამართლოს მთავარი მოსამართლის, ჯონ რობერტსის წინაშე, ბიბლიაზე დადებს.

მოსალოდნელია, რომ ტრამპის ინაუგურაციას ამერიკელი კანონმდებლები და სხვა ოფიციალური პირები დაესწრებიან. ასევე დაესწრებიან ოთხი ყოფილი პრეზიდენტი: ბილ კლინტონი, ჯორჯ ბუში, ბარაქ ობამა და ჯო ბაიდენი. 

ინაუგურაციას ასევე დაესწრება რამდენიმე უცხოელი ლიდერი, მათ შორის, საქართველოს მეხუთე პრეზიდენტი, სალომე ზურაბიშვილი, რომელიც კაპიტოლიუმში უკვე მივიდა.