The Guardian: გიორგი ბაჩიაშვილი მილიარდერი პოლიტიკოსის „ვენდეტის“ მსხვერპლი გახდა
გიორგი ბაჩიაშვილი მილიარდერი პოლიტიკოსის „ვენდეტის“ მსხვერპლი გახდა - ამ შინაარსის სტატიას ბრიტანული გამოცემა The Guardian აქვეყნებს.
სტატიის ავტორმა ინტერვიუ ჩაწერა ბაჩიაშვილის დედასთან, მარინა რამაზაშვილთან. მასალაში აღწერილია, როგორ იყენებს ქართველი ოლიგარქი სახელმწიფო ინსტიტუტებსა და სასამართლოს ოპონენტების წინააღმდეგ.
The Guardian-ი ასევე წერს გლდანის ციხეში მომხდარ თავდასხმაზე: 11 ივლისს გიორგი ბაჩიაშვილს საკუთარ საკანში სასტიკად გაუსწორდნენ. მანამდე მას, როგორც სტატიაშია აღნიშნული, კრიპტოანგარიშების დათმობას აიძულებდნენ.
ინტერვიუში, რომელიც ბაჩიაშვილის დედამ ბრიტანულ გამოცემას აშშ-დან მისცა, ხაზგასმულია, რომ ყოფილი თანაინვესტირების ფონდის ხელმძღვანელის ოჯახი ახლა უსახლკაროდაა დარჩენილი, რადგან „ქართულმა ოცნებამ“ მათ ქონება დაუყადაღა და ჩამორთმევას უპირებს.
